ചിത ....
*******
നാം നമ്മില് കൊരുത്തെടുത്ത ജീവിത സ്വപ്നങ്ങളത്രയും ഇഴപൊട്ടി പൊയ്പ്പോയിടുമ്പോഴും
ഒരു പിന് വിളിക്കായ് ഞാന് കാതോര്ത്ത് നില്പ്പു ..
കാലമിനിയും കനലുകളായ് ജ്വലിക്കുമെങ്കിലും ഓര്മ്മകള്ക്ക് മീതെ പറക്കുവാന്
മനസ്സിന്നു ചിറകുകളായിരമല്ലോ...
വിടരാതെ പോയ
പത്മത്തെ നോക്കി പുലര്കാല സൂര്യന്റെ ഗദ്ഗദം പോലെ ലക്ഷ്യത്തിലെത്താതെ-
യിടറി വീഴുമീ ജീവിത നൗകയില്
അണിയത്തേകനായ് നില്പ്പൂ....
കാറ്റില് താരാട്ട് മൂളും
മുളം തണ്ടിന് രാഗം ശോകാര്ദ്രമാകുന്നുവോ..
ഇഴപൊട്ടിയകലുന്ന ഹൃദയബന്ധങ്ങളെ കണ്ട്
കാറ്റിന്റെ താരാട്ടിലും
താഴേക്കിടറി വീഴുന്നിലകള്....
തിരികെ വരണമെന്നു-മോഹിക്കുമെങ്കിലും
പരസ്പരം തോറ്റു കൊടുക്കുവാന് മടിച്ചു നില്ക്കേ ..
ഇഴപൊട്ടി പൊട്ടിയകന്നു.. ജീവിത താള ക്രമങ്ങള്....
സ്നേഹിക്ക നാം നമ്മില്, നോവിച്ചിടാത്തൊരു കാലമത്രയും ...
വാക്കുകള് മൂര്ച്ചയേറും ഈര്ച്ചവാളാകവേ
പരസ്പരം കുത്തി മരിക്കും- മരിക്കുവോളും
പിരിയില്ലെന്നു പറഞ്ഞു പ്രണയാര്ദ്രമാം
ഹൃദയങ്ങള് ....
വാക്കിലും നോക്കിലും
കാണുവാന് കഴിയാത്ത ഹൃദയത്തിന് നെരിപ്പോടുകള് നീറിപ്പുകഞ്ഞുപ്പുകഞ്ഞു കത്തവേ ....
അവസാനചിത്രവും ചിതയിലേക്കെടുത്തു....
മണി അയ്യംപുഴ